काठमाडौं। गायिका जुनु गौतमको नयाँ गीत ‘यो माया’ सार्वजनिक भएको छ। ओएसआर डिजिटल युट्युब च्यानलमार्फत सार्वजनिक गरिएको गीतले छोटो समयमै दर्शक तथा श्रोताको उल्लेखनीय माया पाएको छ।
जीवन अधिकारीको शब्द संगीत र बिपिन आचार्यको संगीत संयोजन रहेको यो गीतमा प्रेमका भावहरुलाई रमाइलो र नृत्यमय शैलीमा प्रस्तुत गरिएको छ।
भिडियोमा चर्चित रेस्लर अश्मिता जुरेली र क्रिस बमको आकर्षक अभिनय देख्न सकिन्छ। गीतलाई विशाल कैनीले कोरियोग्राफी र निर्देशन गरेका छन्।
सार्वजनिक भएको केही दिनमै गीतले युट्युबमा १ लाख ३० हजारभन्दा बढी पटक हेराइ पाएको छ। प्रेम र नृत्यको समिश्रण रहेको यस गीतमा दर्शक छमछमी नाच्न सक्ने खालको रमाइलो लय भेटिन्छ।
