काठमाडौं । नेपाली कांग्रेसका महामन्त्री गगनकुमार थापाले अहिलेको सत्ता गठबन्धन परिवर्तन नहुने बताएका छन्। महामन्त्री थापाले विराटनगर विमानस्थलमा शनिबार सञ्चारकर्मीसँग बोल्दै यस्तो बताएका हुन्।
सरकारले जनताप्रति दत्तचित्त भई काम गर्ने बताउँदै ६र६ महिनामा सत्ता परिवर्तन गर्न आवश्यक नरहेको बताए । निर्वाचनमा राजनीतिक दलहरुबीच गठबन्धन गर्ने राजनीतिक संस्कृतिको अन्त्य गर्ने र नयाँ बाटो खोज्ने थापाले बताए ।
फरक प्रसंगमा महामन्त्री थापाले भने,‘ नेपाली कांग्रेस संसदीय दलको नेता परिवर्तनमा आफ्नो प्रयास निरन्तर रहनेछ ।’ यसका लागि संसदीय दलमा संख्याले साथ दिनुपर्छ थापाले भने ।
कोशी सरकार निर्माणका सम्बन्धमा सर्वोच्च अदालतको आदेशलाई पार्टीले स्वीकार गर्ने बताउँदै महामन्त्री थापाले भने, केन्द्रीय समितिको बैठक नबसेको कारण कोशी सरकार गठनका सम्बन्धमा खुल्ला छलफल गर्न सकिएको छैन । आगामी केन्द्रिय समितिको बैठकमा यस विषयमा गहन छलफल हुनेछ ।’