काठमाडौं । ‘जनकपुरधाम मेयर कप टी–२० क्रिकेट प्रतियोगिता’ हुने भएको छ । जनकपुरधाम उपमहानगरपालिकाको आयोजनामा सो क्रिकेट प्रतियोगिता हुन लागेको हो । अन्तर्राष्ट्रिय विकास र शान्तिका लागि खेलकुद’ भन्ने मूल नाराका साथ आयोजना हुन लागेको यस प्रतियोगतामा कूल १२ वटा टोलीको सहभागिता रहने आयोजकले जनाएको छ ।
सो प्रतियोगिता जनकपुरधाम उपमहानगरपालिका वडा नम्बर–१४ रजौलस्थित निर्माणाधिन रामजानकी बहुउद्देश्यीय अन्तर्राष्ट्रिय रंगशालामा आयोजना हुन लागेको छ । प्रतियोगितामा जनकपुरधाम, महोत्तरी र सिरहा, हेटौंडा, रौतहट र बारा, काठमाडौं, सप्तरी र पोखरा तथा विराटनगर, सर्लाही र पर्साका टिमहरुले प्रतिस्पर्धा गर्नेछन् ।
सहभागी टोलीलाई चार समुहमा विभाजन गरि प्रत्येक समूहमा तीन÷तीन वटा टिम राखेर लिग कम नकआउटका आधारमा टी–२० फर्म्याटमा खेलहरु सञ्चालन गरिने जिल्ला क्रिकेट संघ धनुषाले जनाएको छ ।