धनगढी । नेपाल कम्युनिष्ट पार्टी एकीकृत समाजवादीका अध्यक्ष माधवकुमार नेपालले जनताको भावनाअनुसार काम गर्न कार्यकर्तालाई निर्देशन दिएका छन् ।
सोमबार सुदूरपश्चिम प्रदेश स्तरीय प्रशिक्षण कार्यक्रमलाई सम्बोधन गर्दै अध्यक्ष नेपालले जनतालाई माथि राखेर काम गर्न निर्देशन दिएका हुन । पार्टीको सुदूरपश्चिम प्रदेश स्तरीय प्रशिक्षण कार्यक्रम धनगढीमा सुरु भएको छ । ३ गतेसम्म चल्ने प्रशिक्षणमा प्रदेशका ९ वटै जिल्लाका जिल्ला अध्यक्ष, सचिवलगायतका अगुवा नेता कार्यकर्ता सहभागी छन् ।