कैलाली । प्रधानमन्त्री पुष्पकमल दाहाल ‘प्रचण्ड’ले कैलालीस्थित शहिद दशरथ चन्द स्वास्थ विज्ञान विश्वविद्यालय (गेटा)को अवलोकन गरेका छन् । प्रधानमन्त्रीमा नियुक्त भएपछि उनी पहिलोपटक सोमवार सुदूरपश्चिम प्रदेश आएका हुन् ।
कैलालीमा प्रधानमन्त्रीले गेटामा रहेको मेडिकल कलेजको निरीक्षण, महेन्द्रनगरमा सुख्खा बन्दरगाहको निरीक्षण, कैलाली महोत्सवको उद्घाटन तथा माओवादी केन्द्र जिल्ला कमिटीले आयोजना गरेको जनयुद्ध दिवस’ को कार्यक्रममा सहभागी हुने कार्यक्रम रहेको छ ।
सरकारले आइतार मात्रै विश्वविद्यालय बनाउने निर्णय गरेको थियो । सञ्चालनको प्रारुपमा अन्योलता हुँदा संरचना निर्माण भएरपनि मेडिकल कलेज सञ्चालन हुन सकेको थिएन ।