काठमाडौं । चन्द्रनगर गाउँपालिकाले प्रथम चन्द्रनगर सामा चकेवा २०७९ कलात्मक प्रतियोगिताको आयोजना गर्ने भएको छ ।
मौलिक संस्कृति संरक्षण तथा प्रवद्र्धनमा टेवा पु-याउने उद्देश्यले उक्त प्रतियोगिताको आयोजना गरिएको गाउँपालिका अध्यक्ष राजकुमार महतोले बताए । प्रतियोगिता आगामी २२ गते आयोजना गरिने अध्यक्ष महतोले बताएका हुन् ।
यही कात्तिक २२ गते गरिन लागेको प्रथम चन्द्रनगर सामा चकेवा उत्सव २०७९ प्रतियोगितामा सामेल हुन इच्छुक सरोकारवालाहरुलाई सहभागीहरुको लागि हार्दिक अनुरोध पनि गरिएको छ ।
प्रतियोगितामा प्रथम, द्वितीय र तृतीय हुनेहरुलाई उचित पुरस्कारको पनि व्यवस्था गरिएको चन्द्रनगर गाउँपालिका सचिवालयले बताएको छ । सो प्रतियोगितात्मक कार्यक्रम भने एक हप्तासम्म सञ्चालन हुने छ ।