काठमाडौं । नेपाली पत्रकारहरुको अन्तराष्ट्रिय संन्जाल (इन्जा)ले उपचारत पत्रकार माधव पौडेललाई आर्थिक सहयोग उपलब्ध गराएको छ ।
पौडेल लामो समयदेखि मेरुदण्डको समस्याका कारण उपचारत छन् । नेपाल पत्रकार महासंघका केन्द्रिय सदस्य समेत रहनु भएका पौडेललाई इन्जा एसियाका अध्यक्ष टंक पन्त र इन्जा ग्लोवलका सचिव दीपक रिजालले संस्थाको तर्फबाट तत्कालका लागि ५० हजार रुपियाँ हस्तान्तण गरेका छन् ।
शुक्रबार कपनस्थित उनकै निवास पुगेर आर्थिक सहयोग उपलब्ध गराईको इन्जा एसियाका अध्यक्ष पन्तले जानकारी दिए । विभिन्न कारणले आर्थिक समस्यामा परेका नेपालका संञ्चारकर्मीहरुलाई संस्थाले आर्थिक सहयोग गर्दै आएको इन्जाका ग्लोवल अध्यक्ष गुणराज लुइटेलले बताएका छन् ।