कालिकोट । कालिकोटको तिलागुफा नगरपालिका ४ राँचुलीमा मलामी जाँदा पहिरोमा पुरिएका १३ जनाको मृत्यु भएको छ । आइतबार दिउँसो राँचुली गाउँमा गएको पहिरोमा परी घाटमा पुगेकामध्ये १३ जनाको पहिरोमा परी मृत्यु भएको हो ।
मलामी गएका वडा नम्बर ४ राँचुलीका वडाध्यक्ष पर बहादुर शाही पनि पहिरोमा परी वेपत्ता भएका छन् । स्थानीय युवा हेमराज शाहीको शनिवार मृत्यु भएपछि आइतबार करिब ७० जना तिला नदीको घाटमा मलामी गएका थिए ।
घाटमा पुगेकामध्ये १३ जनालाई पहिरोले पुरेको थियो । घाटमा लाश जलाउने क्रममा राँचुली गाउँमा आएको पहिरोले १३ जनाको मृत्यु भएको पुष्टि जस्तै भइसकेको बताइएको छ । उनीहरु पहिरोमा परेका मलामी गएका अन्यले देखेका छन् । अब उनीहरुलाई जिवित भेट्ने सम्भावना छैन ।