कमलबहादुर बोहरा
काठमाडौ। राजनीतिक विश्लेषक तथा सर्जक बुद्धिमान परियारको ‘जननेता मदन भण्डारी’ नामक गीत सार्वजनिक हुने भएको छ ।
नेकपा एमाले प्रदेश नम्बर १ का प्रदेस सदस्यसमेत रहेका परियारका यसअघि पनि धेरै गीत, कविता र लेखहरु विभिन्न पत्रपत्रिका, अनलाइनहरुमा प्रकाशित भैसकेका छन् ।
परियारले भण्डारीको नेकपा एमालेभित्र ठूलो योगदान, संघर्ष र बलिदानी रहेको कुराको कदर गर्दै यो गीत तयार पारेको बताएका छन् । गीतमा चर्चित गायक शिशिर योगि र गायिका कोमल ओलिले स्वर पस्किएका छन् । त्यसैगरी गीतमा शिव गौतमले संगीत भरेका छन् । गीतमा आरबी खातीको एरेन्ज रहेको छ । गीतको रेकर्डिङ भने डीबी स्टुडियोबाट भएको थियो ।
गीतको म्युजिक भिडियो निर्देशन पनि संगीतकार शिव गौतम र जसु याक्खाले गरेका हुन् । गीतको भिडियोमा सुमन कार्की, सारिका प्रसाईं, किसन सेवन, शिवप्रसाद पौडेल, इन्दिरा पौडेल बरालको दमदार अभिनय रहेको छ । गीतको छायांकन भने दिपेन बस्न्यात र रेशम दर्लामी मगरले गरेका छन् ।