कैलाली ।कैलालीको मोहन्याल गाउँपालिका खेल मैदान नहुँदा खेलाडीहरु कर्णाली छेउछाउको बालुवामा फुटबल खेल्न वाध्य छन् । उपयुक्त खेलमैदानको अभावमा गाउँपालिकाको वडा नम्बर ६ स्थित सोल्टामा कर्णाली छेउछाउको बालुवामा फुटबल खेल्न खेलाडीहरु बाध्य भएका हुन् । यो समस्या वडा नम्बर ६ मा मात्र नभएर मोहन्याल गाउँपालिकाका सबै ठाउँमा उपयुक्त खेलमैदान नभएको जनाइएको छ ।
न्यू भीजन स्पोर्ट्स क्लबका अध्यक्षका अनुसार आफुहरुले निरन्तर खेलमैदानका लागि विभिन्न तहका सरकारसँग पहल गरिरहेका तर सरकारले भने त्यसमा पटक्कै ध्यान नदिएको गुनासो पोख्छन् ।
उनी भन्छन्, ‘यो क्षेत्रबाट हाल प्रतिनिधि सभा सदस्यमा अरुण कुमार चौधरी निर्वाचित भएका छन् भने हालका सुदुरपश्चिमका प्रदेशका मुख्यमन्त्री पनि यसै क्षेत्रबाट निर्वाचित भएका हुन्।’ तस्विरमा देखिएको दृश्य मोहन्याल ६ सोल्टाको कुनै खेलमैदान होइन यो त खाली कर्णाली नदीको छेउ हो । जहाँ बर्खाको समय पानीले भरिभराउ हुन्छ ।
खेलाडीहरु र क्लबका अनुसार मोहन्यालमा खेलकुद बिकाश नहुनुका मुख्य दुई कारण निम्नानुसार रहेका छ्न् । मोहन्यालमा उचित खेल मैदान र प्रशिक्षण केन्द्रहरूको सुविधा भने छैन । खेलकुद पूर्वाधारको अभावले महत्वाकांक्षी खेलाडीहरूलाई आफ्नो सीप विकास गर्न र उच्च स्तरमा प्रतिस्पर्धा गर्न गाह्रो बनाई रहेको क्लबका अध्यक्ष बताउँछन् ।
त्यस्तै सरकारको लगानी शून्य बराबरमा खेलकुद विकासका लागि धेरै लगानी चाहिन्छ र तिनै तहका सरकारबाट मोहन्याल गाउँपालिकामा खेलकुद कार्यक्रमहरूको लागि लगानी शून्य छ। सीमित स्रोतहरूले उपकरण, कोचिङ, र अन्य आवश्यक स्रोतहरूको अभाव भैरहेको न्यु भीजन स्पोर्ट्स क्लब का अध्यक्ष बताउँछन् ।
