काठमाडौँ । नवनियुक्त संघीय मामिला तथा सामान्य प्रशासन मन्त्री अनिता देवी साहले पदभार ग्रहण गरेकी छन् । सोमबार राष्ट्रपति रामचन्द्र पौडेलबाट शपथ लिएलगत्तै उनले संघीय मामिला तथा सामान्य प्रशासन मन्त्रालय पुगेर पदभार ग्रहण गरेकी हुन्
। जनमत पार्टीले अनितालाई संघीय मामिलामन्त्री बनाएर सरकारमा पठाएको हो । चार महिनापछि जनमत फेरि सरकारमा गएको हो । पुस १० गते प्रचण्ड प्रधानमन्त्री भएपछि गठन भएको सरकारमा जनमतबाट अब्दुला खान खानेपानी मन्त्री थिए । उनले वैशाखमा राजीनामा दिएका थिए ।
यसपटक माओवादीले आफूले पाएको मन्त्रालय काटेर जनमतलाई सरकारमा सहभागी गराएको हो । माओवादीका मन्त्री अमनलाल मोदीलाई फिर्ता बोलाइएको थियो ।