काठमाडौं । धरान उपमहानगरपालिका प्रमुख हर्कराज साम्पाङ राईलाई बेलायतको राजधानी लन्डनमा फिल्म हेर्न निम्तो आएको छ । निर्माता तथा निर्देशक मिलन चाम्सले आफ्नो नयाँ फिल्म ‘गोर्खा वारियर्स’ को विशेष प्रदर्शनमा उपस्थित भइदिन मेयर हर्क साम्पाङलाई निमन्त्रणा गरेका हुन् ।
निर्देशक चाम्सका अनुसार बेलायतको प्रतिष्ठित आइम्याक्स सिनेवर्ल्डमा हुने चलचित्र ‘गोर्खा वारियर्स’को विशेष प्रदर्शनमा धरान उपमहानगरपालिका प्रमुख हर्क साम्पाङ उपस्थित हुने जानकारी दिए । आउँदो भदौ २४ अर्थात् १० सेप्टेम्बरमा ‘गोर्खा वारियर्स’को विशेष प्रदर्शन तय गरिएको छ ।
नेपाली गोर्खा सैनिकको बहादुर र वीरताको कथामा आधारित ‘गोर्खा वारियर्स’ महँगो फिल्म हो । फिल्मको अधिकांश सुटिङ बेलायतमै गरिएको थियो ।