कैलाली । कैलालीको मोहन्याल गाउँपालिका वडा नम्बर ६ स्थित श्री राष्ट्रिय माध्यमिक विद्यालय सोल्टाले पहिलो महिला प्रधानाध्यापक रहेकी गंगाकुमारी थापालाई योगदानको कदर गर्दै सम्मानपत्र प्रदान गरेको छ ।
थापाले श्री राष्ट्रिय माध्यमिक विद्यालयको स्थापनाकाल सुगरखाल गाउँ पञ्चायत भएका बेला बि सं २०२७ देखि २०२९ सम्म विद्यालयको पहिलो महिला प्रधानाध्यापक भएर सेवा गरेकी थिइन् ।
श्री राष्ट्रिय माध्यमिक विद्यालय सोल्टाकी पहिलो महिला प्रधानाध्यापक भएर शिक्षादीक्षाको सुरुवात गरी समाज विकासमा योगदान गर्दै आएकी गंगाकुमारी थापा मोहन्याल गाउँपालिकाका पूर्व निमित्त प्रशासकीय अधिकृत रुपेश शर्मा बरालकी आमा हुन् ।
शिक्षाप्रेमी तथा समाजसेवी थापालाई श्री राष्ट्रिय माध्यमिक विद्यालय सोल्टाल उनको योगदानको कदर गर्दै मायाको चिनोसहित सम्मान पत्र प्रदान गरेको हो । सम्मानपत्र प्रदान गर्दै विद्यालयले थापा येगदानसहित दीर्घायुको कामनासमेत गरेको विद्यालयका प्रधानाध्यापक कृष्ण जैशीले बताएका छन् ।