जेष्ठ ५, २०८१ शनिबार Sat May 18 2024

लुम्बिनी सरकारले ग-यो विभिन्न अस्पतालमा पदाधिकारी तथा सदस्य नियुक्त



रुपन्देही । लुम्बिनी प्रदेश सरकारले विभिन्न अस्पतालमा पदाधिकारी तथा सदस्य नियुक्त गरेको छ ।

आइतबार बसेको मन्त्रिपरिषद बैठकले बुटवलस्थित लुम्बिनी प्रादेशिक अस्पतालको अध्यक्षमा अजयमान श्रेष्ठलाई नियुक्त गरेको छ।

तत्कालीन मुख्यमन्त्री शंकर पोखरेल नेतृत्वको सरकारले अध्यक्षमा नियुक्त गरेका सूर्यबहादुर भट्टराईलाई कुलप्रसाद केसी नेतृत्वको सरकारले हटाएपछि लुम्बिनी प्रादेशिक अस्पतालको अध्यक्ष पद रिक्त रहेको थियो।

मन्त्रिपरिषद् बैठकले श्रेष्ठसँगै अस्पताल विकास समितिको रिक्त रहेको सदस्य पदमा कपिलवस्तुकी लक्ष्मी खनाललाई नियुक्त गरेको प्रवक्ता मन्त्री चेतनारायण आचार्यले जानकारी दिए । लामो समयदेखि बुटवलमा रही उद्योग व्यवसायमा आबद्ध श्रेष्ठ मिडिया उद्यमी हुन् ।

त्यसैगरी विजयविराज विष्ट प्युठान अस्पतालको अध्यक्ष र राधिका खड्का सदस्य, भीम अस्पताल भैरहवा रुपन्देही सदस्यमा लक्ष्मी केसी, कपिलवस्तु अस्पताल तौलिहवा सदस्यमा शारदा चपाई, कल्पना ज्ञवाली सदस्य बर्दिया अस्पताल, सरस्वती भट्टराई पाल्पा सदस्य रामपुर अस्पताल, शशी श्रेष्ठ सदस्य पाल्पा अस्पताल तानसेन, संजिवनी अर्याल गुल्मी अस्पताल तम्घास सस्दय, सरिता पौडेल सदस्य पृथ्वीचन्द्र अस्पताल नवलपरासी, सुधा न्यौपाने रोल्पा अस्पताल रेउघालार्ई नियुक्त गरेको स्वास्थ्य मन्त्रालयका सचिव डाक्टर विनोद गिरीले जानकारी दिएका छन् ।

प्रकाशित मिति : ४ बैशाख २०८०, सोमबार  ८ : ३६ बजे