कैलाली । कैलालीको बर्दगोरिया गाउँपालिका मुढाले पालिका तथा वडा स्तरीय बालक्लबहरुलाई खेलकुद सामग्री बितरण गरेको छ ।
खेलकूद सामग्री गाउँपालिका अध्यक्ष कर्णबहादुर कुँवर र उपाध्यक्ष गणेशराज गिरीको सक्रियतामा बाल क्लबहरुलाई खेलकुद सामग्री बितरण गरिएको हो।
बालबालिकाहरुले खेलकूदप्रति हेर्ने मनोभावनालाई उच्च सम्मान गर्दै खेलकूद सामाग्री वितरण गरिएको बताइएको छ ।
यस्ता कामले बालबालिकाहरुमा खेलकुदको साथै अतिरिक्त क्रियाकलापप्रति रुची जाग्ने र उनीहरु सिर्जनशील हुने गाउँपालिका अध्यक्ष कुँवर र उपाध्यक्ष गिरीले बताएका छन् ।
पालिका अध्यक्ष र उपाध्यक्षको सक्रियतामा बालबालिकालाई खेलकूद सामग्री वितरण गरेकोप्रति स्थानीयवासीले उनीहरुलाई धन्यवाद ज्ञापन गरेका छन् ।