काठमाडौं । काठमाडौंको गंगबु नयाँ बसपार्कको टिकट काउण्टर टिकट लिनेको घुँइचो लागेको छ ।
दशैँका लागि घर जानेहरूलाई लक्षित गरी अग्रिम टिकट बुकिङ खुल्ला गरेसंगै बसपार्क क्षेत्रमा टिकट निलेको भीड लागेको हो । दशैँका लागि आजदेखि देशभरका विभिन्न स्थानमा जान सार्वजनिक यातायातको यात्रुलाई अग्रिम टिकट बुकिङ खुलेको छ ।
यही भदौ २२ गते यातायात व्यवस्था विभागमा बसेको बैठकले असोज १ गतेदेखि लामो तथा मध्यम दूरीमा अग्रिम टिकट बुकिङ खुला गर्ने निर्णय गरेको थियो । विभागको बैठकले यातायात व्यवसायीले अग्रिम टिकट बुकिङ गर्दा यथाशक्य अनलाइन बुकिङ गर्ने व्यवस्था मिलाउने, अनलाइन टिकट बुकिङ गर्ने यात्रुलाई यातायात व्यवसायीले यथाशक्य छुट वा सहुलियतसमेत प्रदान गर्ने निर्णय गरेको छ।