काठमाडौं । त्रिभुवन विश्वविद्यालयमा सत्तारुढ दल नेपाली कांग्रेस निकट नेपाल विद्यार्थी संघ र प्रमुख प्रतिपक्षी दल नेकपा (एमाले) निकट अखिल नेपाल स्वतन्त्र विद्यार्थी युनियनबीच झडप भएको छ ।
गत शुक्रबार नेपाल विद्यार्थी संघले त्रिभुवन विश्वविद्यालय कार्यकारी परिषद्का महत्वपूर्ण कागजात नियन्त्रणमा लिएर शिक्षामन्त्रीलाई बुझाएपछि त्रिवि रजिष्टारको कार्यालयले शनिबार सुरक्षाको माग गरेको थियो ।
आइतबार बिहान त्रिवि उपकुलपतिले पत्रकार सम्मेलनको आयोजना गरेका थिए । पत्रकार सम्मेलनमा अनेरास्वीयुलाई मात्रै प्रवेश दिएको र नेविसंघलाई प्रवेश निषेध गरेपछि झडप भएको थियो ।
झडपमा परि एक प्रहरी निरीक्षकसहित दुई नेविसंघ विद्यार्थी घाइते भएको बताइएको छ ।