जेष्ठ ३१, २०८१ बिहिबार Thu Jun 13 2024

हिजाब पहिरनमा अझ कडा सर्त, नयाँ विधेयक ल्याउँदै इरान सरकार



तेहरान । हिजाब नलगाएको आरोपमा पक्राउ परेर हिरासतमा रहेकी छात्रा महसा अमिनीको मृत्यु भएको एक वर्ष पुग्न लागेको छ ।

महसाको मृत्यु गत १६ सेप्टेम्बरमा भएको थियो । हिजाब राम्ररी नलगाएको भन्दै अमिनीलाई प्रहरीले हिरासतमा लिएको थियो र उनको यातनाबाट मृत्यु भएको थियो। यसपछि देशभर हिजाबलाई लिएर हंगामा मच्चियो र महिनौंसम्म हिंसात्मक प्रदर्शन भएको थियो ।

सो बिरोध प्रदर्शनको क्रममा महिलाहरूले सार्वजनिक रूपमा कपाल काट्छन् र हिजाब जलाउँछन्। तर, अहिले महसा अमिनीको मृत्यु भएको एक वर्ष पूरा भएपछि इरानी अधिकारीहरू हिजाबसम्बन्धी नयाँ विधेयकको तयारीमा जुटेका छन् ।

सीएनएनका अनुसार विज्ञहरूले यो विधेयक इरानीहरूलाई चेतावनी दिएका छन् कि इरान हिजाब नियममा आफ्नो अडानबाट पछि हट्दैन । गत वर्ष देशभर व्यापक विरोध भएको घटना ताजा हुदाँहुदैँ इरानले हिजाब सबन्धी नयाँ कानुनको मस्यौदा गरिरहेको अन्तर्राष्ट्रिय समाचार संस्थाहरुले जनाएका छन ।

जसअनुसार ७० धाराको मस्यौदा कानूनले बुर्का लगाउन अस्वीकार गर्ने महिलालाई लामो जेल सजाय, नियम उल्लङ्घन गर्ने सेलिब्रेटी र व्यवसायीहरूलाई कडा नयाँ जरिवाना र ती महिलाहरूलाई मद्दत गर्न कृत्रिम बुद्धिमत्तालाई ड्रेस कोड उल्लङ्घन गर्ने व्यक्तिको रूपमा पहिचान गर्नेलगायतका धेरै प्रस्तावहरू राखिएको जनाईएको छ ।

यो विधेयक यस वर्षको सुरुमा न्यायपालिकाले विचारका लागि सरकारमा पेस गरेको थियो, त्यसपछि संसदमा पठाइएको थियो र पछि कानुनी तथा न्यायिक आयोगले स्वीकृत गरेको थियो। इरानको राज्य सम्बद्ध समाचार एजेन्सी मेहरले रिपोर्ट गरेको छ कि यो आइतबार संसदमा पेश गर्नु अघि बोर्ड अफ गभर्नरमा पेश गरिनेछ।

प्रकाशित मिति : २१ श्रावण २०८०, आइतबार  ११ : ४१ बजे