काठमाडौं । नेपाल स्टक एक्सचेञ्ज (नेप्से) ४.९३ प्रतिशतले वृद्धि भएको छ । बुधबार कारोबार सुरु भएदेखि नै वृद्धि भएको नेप्से परिसूचक ४.९३ प्रतिशतले बढेर बन्द भएको हो ।
नेप्सेमा ९२.२२ अंकको वृद्धि हो । ९२ अंकले बढेसँगै नेप्से परिसूचक १९ सय ६३ अंकमा पुगेको छ । यो सगैँ आज कारोबार रकममा समेत वृद्धि भएको छ ।
६१ लाख ७ हजार कित्ता सेयर किनबेच भएको अवस्थामा १ हजार ९७ करोड ६० लाख रुपैयाँको कारोबार भएको छ ।
बुधबार नेप्सेमा सूचीकृत सबै कम्पनीको सेयरमा वृृद्धि भएको छ । कारोबार भएकामध्ये २१८ वटै कम्पनीको सेयर मूल्यमा वृद्धि भएको हो । आज ५ वटा कम्पनीको मूल्यमा १० प्रतिशतको वृद्धि भएको छ । यसबाहेक, ११ वटा कम्पनीको सेयर मूल्य ९ प्रतिशतभन्दा धेरैले वृद्धि भएको छ ।
बुधबार १३ वटा समूहमध्ये १३ वटै समूहमा सुधार देखिएको छ । यस्तै आज सबैभन्दा धेरै जीवन बीमा समूहमा ४४३ अंकको सुधार देखिएको हो । यस्तै, निर्जीवन बीमा समूहमा ३४३ अंकको सुधार आउँदा उत्पादनमूलक उद्योग समूहमा २१८ अंकको सुधार देखिएको छ ।
नेपाल राष्ट्र बैंकले मंगलबार आयोजना गरेको पत्रकार सम्मेलनमार्फत अर्थतन्त्र सुधारात्मक अवस्थामा देखाएको थियो । ८ महिनासम्ममा विदेशबाट भित्रिने रेमिट्यान्स २५ प्रतिशतले बढेको देखाएको थियो भने चालू खाता समेत ४४ अर्ब रुपैयाँ मात्रै घाटामा देखिएको थियो ।