काठमाडौं । पूर्वप्रधानमन्त्री एवं नेपाल समाजवादी पार्टीका अध्यक्ष डा बाबुराम भट्टराईले प्रधानमन्त्रीका लागि राष्ट्रपतिसमक्ष सिफारिस भएकोमा माओवादी अध्यक्ष पुष्पकमल दाहाल प्रचण्डलाई हार्दिक वधाई दिएका छन् ।
उनले सामाजिक सञ्जाल ट्विटरमार्फत् ‘अतिले खति गर्छ भन्ने कांग्रेस नेतृत्वले बुझोस्’ भन्दै कांग्रेसप्रति कडा टिप्पणीसमेत गरेका छन् ।
नेपाली कांग्रेसले राष्ट्रपति र प्रधानमन्त्री दुवै पद नदिएर धोका दिएको भन्दै बालुवाटारबाट निस्किएका प्रचण्डले नेकपा एमाले, नेकपा माओवादी केन्द्रसहित ७ दलको समर्थन जुटाएर आफूलाई प्रधानमन्त्री बनाउनुपर्ने प्रस्ताव गरेका छन् । सोही अवसरमा भट्टराईले लेखेका छन् ‘नया‘ राजनीतिक समीकरणको तर्फबाट संविधानको धारा ७६(२) बमोजिम प्रधानमन्त्रीकालागि राष्ट्रपति समक्ष सिफारिस हुनुभएका क प्रचण्डलाई हार्दिक वधाइ ! अतिले खति गर्छ भन्ने कांग्रेस नेतृत्वले बुझोस् !’