काठमाडौं । गीतकार वसन्त योगीको नयाँ आधुनिक गीत ‘रेटेर जिन्दगी’ सार्वजनिक भएको छ ।
बुधवार सार्वजनिक ‘रेटेर जिन्दगी’ नामक आधुनिक गीतमा चर्चित गायक स्वरुपराज आचार्यले आवाज दिएका छन् भने संगीत एसडी योगीको रहेको छ । त्यसैगरी संगीत संयोजन आशिष अविरलले गरेका हुन् भने उक्त गीतको लेखक वसन्त योगी रहेका छन् ।
योगीको आफ्नै यूटुब च्यानल एसआरआई क्रियशनबाट सार्वजनिक गरिएको ‘रेटेर जिन्दगी’ नामक गीतमा बिछोडिएको माया प्रेमको भावलाई समेटेर रचना गरिएको छ । सो गीतले आधुनिक संगीतका पारखीको मन जित्ने गीतकार योगीको विश्वास छ ।
लामो समयदेखि पत्रकारिता पेशामा क्रियाशील रहेका योगी पछिल्लो समय गीत लेखन तथा साहित्यमा रुचि राख्छन् । उनै योगीद्वारा लिखित ‘रेटेर जिन्दगी’ नामक आधुनिक गीत नेपाली सांगीतिक बजारमा सार्वजनिक भएको छ ।